بنت تنادى لأب حنين

في ذكري الأربعين 25.4.2012

الناس
بتقولى ما تزعليش إزاى وأنت غيرت فى حياتى كتير وكتير أنت مش أب وبس أنت أُسطورة
أنت سبتنا على الأرض بس هجاهد علشان أشوفك فى السماء أنا بحبك كتير كتير يا أغلى أب
فى الدنيا . فات ومر وعدا 40 يوم على غيابك عنا لكنك موجود بروحك دايماً وسطينا
,دايماً معانا بصلواتك,موجود فى عظِاتك ,موجود فى تأملاتك, موجود فى أشعارك ,موجود
فى قصايدك موجود
بكنوز محفورة فى كُتبك ........دايماً كانت ماما تحكيلي عن القديسين والشهدا
والملايكة .وكانت دايماً قصصهم بتعجبنى وتفرحنى, وكان نفسى وبقول جوة نفسى, كان
نفسى أكون موجودة أيام القديسين وأشوفهم. لكن ربنا إله حنين وموجود فى كل زمان وكل
حين.وكنيستة باقيه الى إنقضاء الدهر أمين
وفعلاً
أنا وانتم وناس كتير هنا وهناك شافت وعاشت ولمست قديس عظيم كان عايش وسطينا بيغطينا
بحبة ويفرحنا بقربة ويعلمنا ويشبعنا بالإيمان ومحبة الله لينا.ودايماً كان سمعنا من
غير ما نتكلم.وعمل علشانا حاجات كتير.علشانك وعلشانِك وعلشان ناس كتير
وزى
اليوم دة ومن 14 سنة حضر وسطينا ومع لفيف من الأساقفة ومع فرحة شعب فيينا وضع حجر
أساس كنيستنا دية كنيسة عذراء الزيتون وأعطانا حبيبنا وراعينا وأبونا نيافة الأنبا
جابرييل . أنا بحبك أوى يا أبويا .ودايماً هسمع كلامك حتى لو إنك مش معانا
بجسدك.لكن كلامك وتعاليمك محفورة جوة قلوبنا ونحب نزرعها فى ولادنا. بس المهم أننا
شفنا وعشنا مع قديس على الأرض . قديس القرن الواحد والعشرين ,حبيب الملايين ,ذهبى
الفم, ودلوقتى فرحانيين بوجودك مع رب المجد فى السماء. قولى يا بابا .........ياترى
قابلت العدرا إزاى ؟ ولا البابا كيرلس ومارمينا ولامارمرقس كاروز الديار المصرية
وكل الشهدا والقديسين أكيد كانو عملينلك حفلة جميلة .انا كان نفسى أكون معاك يا
حبيبى ................كنت بتشكر قبل ما تطلب,كنت بتفرح لما بتعطى ,كنت بتكبر وانت
بتدى, كنت تجول تصنع خير....شكرا ليك يا أبويا وحبيبى البابا شنودة الثالث..
.

فيبي
أيوب
منقول