شعر فكاهى ( الجغرافيا ) من قصائد البابا شنودة الثالث

حاجة غريبة بأدخلها بالعافية فى مخى ما تدخلشى

بنشوف فى الأطلس أمريكا وألمانيا وبلاد الدوتشى

ماتقول لى بأى فوتوغرافيا و تقول ما تقول ما هاصدقشى

حاجة غريبة بأدخلها بالعافية فى مخى ما تدخلشى

ورياح مبللوله تجيب مية ورياح جافة متمطرشى

ورياح بتساحل فى الساحل تتبع تعريجة وتمشى

ورياح بتغير وجهتها ورياح تمشى متحودشى

انا عقلى اتلخبط فين ديا وديا وبين ديا وديا ما أفرقشى

حاجة غريبة بأدخلها بالعافية فى مخى ما تدخلشى

اشعار البابا كلها جميله ورائعه
ياريت تنزل منها كتير
ربنا يبارك خدمتك